Home / கலை / கேடி மஸ்தான்
11018852_10204066753370648_8133441437252186139_n12

கேடி மஸ்தான்

என்னய்யா ஆச்சு உங்களுக்கு

 

கம்மியா செலவளிச்சு

கண்கலங்க வைக்காதீங்க

கொஞ்சமா செலவளிச்சு

கொடுமை இன்னும் பண்ணாதீங்க

 

கஜானா பாரத்த குறைச்சு

எல்லா பாரத்தையும்

தல மேல போட்டீக

 

வாங்குன காசுக்கு

வட்டிகட்ட முடியாம

ஏழுமலை செத்ததுக்கு

ஏரோபிளேனில் அழுதீக

 

என்னய்யா ஆச்சு உங்களுக்கு

 

ஜிப்பா சட்டை போட்டு

சிலுக்கு சட்டை மேல போட்டு

கெத்தா நடந்து வந்தா

கேணப்பய நாங்க ரசிப்போம்

 

விவசாயி கோமணத்த

வித்து நாந்தாரேன்

விளம்பரச்செலவுகள்ல

ஒரு பைசா குறைக்காதீங்க

 

இப்படி

கம்மியா செலவளிச்சு

கண்கலங்க வைக்காதீங்க

 

காக்கி டவுசர் போட்டு

காலுல பூட்சு போட்டு

ஒய்யாரமா நடந்துவரும்

பேர்பாதி பேருகளுக்கு

பேரம்பேத்தி இருக்காகலாம்

 

மலை பண்ணி ஒழப்புன

வயக்காட வச்சிருந்தோம்

மத யானை நொழஞ்சிருச்சு

யானை நிறம் கருப்பு இல்லை

காவியின்னு தெரிஞ்சிருச்சு

 

வெத்தல சுண்ணாம்பு வச்சு

சவக்கி திண்ணையில

ஒட்டுற கரையெல்லாம்

ஒங்க கறைனு

ஓங்கி ஓங்கி சொன்னீங்க

 

நாங்க

பல்லு கறை

பாச கறை

தேச கறை

 

மன்னிக்கணும்

தே(ன்) சர்க்கரை னு

தேம்பி தேம்பி ஆழுதீக

 

என்னய்யா ஆச்சு உங்களுக்கு

 

சுப்பையா நிலத்தவாங்கி

சூட்டு போட்ட ஆளுகளுக்கு

பகுந்து கொடுத்துட்டு வந்த

இந்த

பச்சை முகத்த

பத்து ரூவா டிக்கெட்டில்

பாக்குறதுக்கு வரிசைஇருக்க

 

முந்தா நாத்து

சுப்பையா  தற்கொலைக்கு

இன்னைக்கு ட்விட்டர்ல

ஈம சடங்கு பாத்தீக

 

என்னய்யா ஆச்சு உங்களுக்கு

 

அகண்ட பாரதன்னு  நீங்க

அகல கைய விரிக்கையில

அனகோண்டா பாம்புபோல

அச்சம் வருதுன்னு சொல்றாக

நிசமா

ஐய்யா நீங்க

விசமா ?

 

— இரா.சங்கர்.

 

 

 

 

 

 

Print Friendly, PDF & Email

About இரா.சங்கர்

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>